Skip to content

Alienor d'Aquinia

 

 

Alienòr d'Aquitània, qu'ei ua hemna misteriosa a l'imatge de la Dauna de Brassempoi. Non sabem d'era ni la sua data de naishença ni la de la sua mort. Que pensam qu'ei vaduda a l'entorn de 1020 e que s'ei morta en 1204.  Qu'ei la petita hilha deu purmèr trobador coneishut  (Guilhem IX d'Aquitània) e que va estar airetèra deu son gran pair de mantuns biais.

 

Que sabem de la duquessa d'Aquitània e reina de França puish d'Anglatèrra qu'avè un temperament de huec, lo quau non va pas agradar a la cort de França. Lo son dusau marit que la va har empresoar pr'amor que s'èra susmautada* contra eth e que'u volèva tirar lo poder tà'u balhar au son hilh Ricard Còr de Lion, lo quau èra trobador. 

 

Que va estar maridada au futur rei de França en 1137 (d'après los tèxtes) e que va deishar las corts d'Aquitània tà partir tà la de França. Que va amiar dab era los trobadors e la Fin'Amor tà la cort de França puish a la d'Anglatèrra quan e's va maridar dab Enric de Plantagenêts après qu'aja demandat l'annullacion deu prumèr maridatge. Que va tanben har descobrir la Matèria de Bretanha (Lo rei Artús, Tristan e Iseult, La taula ronda...) au monde. Que disen que i a quitament ua profecia de Merlin qui parla d'era : " L'aigle de l'alliance rompue se réjouira en sa troisième nichée " que sembla predíser la destinada fabulosa d'Alienòr d'Aquitània e deu son tresau hilh En Ricard Còr de Lion, rei d'Anglatèrra.

         

Alienòr d'Aquitània qu'ei l'incarnacion de la Dauna tau coma la cantava lo son gran-pair e tots los autes trobadors après eth. Dens mantuas cansós* de trobadors que s'i parla  d'era. Qu'ei a l'encòp amorosa de las letras e de las arts (protectritz de las letras e de las arts). Alienòr qu'ei la purmèra reina a partir en crotzada dab lo son marit e que hasó seguir dab era tota la sua cort. Chic de temps après que romp lo son maridatge au rei de França en 1152 e que's va maridar au futur rei d'Anglatèrra pendent la madeisha annada. Que'u va balhar ueit mainats, au de miei d'aquestes lo rei Ricard Còr de Lion. Que's van susmautar* contra Enric II d'Anglatèrra. Que va estar empresoada pendent 15 ans de 1174 a 1189 quan e's moreish lo rei Enric II e que Ricard Còr de Lion e puja suu tròne.

 

Que's va morir a l'Abadia de Fontevrault en 1204 e non deisha d'era sonque ua legenda a la mesura de la sua grandor, un vasa que lo son illustre gran-pair avèva tornat miar e que la reina auhereish au son purmèr espós au moment deu lor maridatge. E un jaç on ei figurada dab un libe hens las mans e qui tà daubuns e simboliza lo son ròtle de mecènas e que legeish tà l'eternitat. 

 

Tà descobrir Alienòr en tot  jogar : https://lesvoiesdalienor.org/

 

Matilda Susbielles

Vocabulari

Cansó : chanson de troubadour

Susmautar : soulever

Imprimer cet article