Cançons
La dauna de Brassempoi
Un pòc d'istòria
La Dauna de Brassempoi [Dame de Brassempouy] aperada tanben Dauna deu Capulet* qu'ei ua estatueta hèita en evòri de mamot, hauta de 3,65 cm e longa de 2,2cm e que representa la cara d'ua hemna au peu trossat hens ua mena* de capulet. Que data deu paleotic superior tan vòu díser -29 000/22 000 abans la nosta èra. Qu'ei estada descobèrta a Brassempoi en Gasconha dens las Lanas, en Shalòssa en 1894-1897.
Uei lo dia que's tròba au musèu d'arqueologia deu Castèth de Saint-Germain-en-Laye.
Matilda Susbielles
Vocabulari
Capulet : capuchon
Evòri : ivoire
Mena : genre
La cançon de Boisson Divine
Dauna de Brassempoi
O dauna, jamèi
Jamèi non gausarèi
Vos-demandar, beutat
Quan de luas avetz espiat ?
Lo blanc visatge
Trèits e atrèits shens atge
De tostemps contemplat
Dauna condatz-nos l’eternitat
Venus o damisèla
D’un passat reculat
De totas la mei bèla, que t’an laudat
Los òmis : enlobats
De ger en uei
Que sian paisans o gran rei
Dauna deu capulet
Lo mistèri : sancèr
Qui ei Dauna de Brassempoi ?
Coneishetz los secrets
Malurs e arridets
Qui ei Dauna de Brassempoi ?
O dauna muda
De memòria perguda
Dens l’evòri calhada
Ei l’istòria acabada ?
Aujòla deu monde 
Tot aqueth temps passat
Dens la tèrra pregonda
Lhèu, qu’esguitarrà la vertat
Sus la nosta banèra
Que’vs volem apitar
L’estrambòrd de tostemps qu’aurejarà
Lo cap lhevat, no’s cau pas desbrembar
La musa blanca doman
Dauna deu capulet…