Mitologia3: los noms deus planetas (10-12 ans)

Mitologia 3: los noms deus planetas

Qu'existís tres tipes de planètas: los planètas (massius), los planètas nans (mes petits), los còs petits (enqüèra mes petits). Que viran tots au torn deu Sorelh. Que son los planètas deu sistèma solar.

Uei, que coneishem ueit planetas: Mercuri, Vènus, la Tèrra, Mars, Jupitèr, Saturn, Uranus e Neptun que son tots dab noms de divinitats de la mitologia romana.

Que podem véser a l'uelh:

Mercuri, lo planèta mes pròche deu Sorelh, que va viste: qui hè un torn complet deu Sorelh en 88 dias (la Tèrra en 365 dias). Que'u balhèm lo nom deu messatgèr deus dius qui podèva desplaçà's a hum.

Vènus qu'ei lo mes luminós. Entad aquera rason, que l'aperèm coma la divessa romana de l'amor e de la beutat.

Mars qu'ei un planèta roi. Qu'evòca la sang suus camps batalhèrs. Alavetz, que l'aperèm coma lo diu de la guèrra.

Jupitèr, lo planeta mes gròs deu sistèma solar, que receboc lo nom deu rei deus dius romans.

Saturn que deu lo son nom au diu roman de l'agricultura.

Après l'invencion deus telescòpis, que trobèm dus autes planètas:

Uranus, descobèrt en 1781, que prengoc lo nom deu diu deu cèu,

Neptun, descobèrt en 1846, que receboc lo nom deu diu de la mar pr'amor de la sua color blua.

NB: tà mes d'informacion (en francés) clicar ací

Vocabulari

a hum: à toute vitesse

camp batalhèr: champ de bataille

còs petit: petit corps

planeta nan: planète naine

véser a l'uelh: voir à l'oeil nu

Imprimer cet article