Coma hèr trabalhar las bèstias

Gèr, a la bòrda, que trabalhàvam dab bèstias, sustot dab lo can e lo bueu (o la vaca). Tà'us balhar las consignas, qu'emplegàvam quauquas expressions.

A còps quan guardàvam las vacas, qu'escapavan. Alavetz que disàvam au can :

« A tu ! pica ! vè-i ! » 

«  Gaha ! » 

« Dau ! pica ! »

« Pica la ! Hè la tornar » 

« Vè la còlher » 

« Passa davant ! Passa darrèr ! Dau ! Hè la tornar ! Pica la ! » 

Que i avèva tanben consignas tà hèr trabalhar las vacas o los bueus. 

Tà hèr avançar las bèstias : « Haa ! Haa ! Hau ! Hauhaa"

Tà arrestar las bèstias « Pro ! Hola ! Hòu ! » 

Tà hèr recular las bèstias : « Arrèst »

Vocabulari

« A tu ! pica ! vè-i ! » : à toi ! mords ! vas-y !

«  Gaha ! » : attrape !

« Dau ! pica ! » : vas-y ! mords !

« Pica la ! Hè la tornar » : mords-la ! fais-la revenir !

« Vè la còlher » : va la chercher !

« Passa davant ! Passa darrèr ! Dau ! Hè la tornar ! Pica la ! » passe devant ! passe derrière ! vas-y ! fais-la revenir ! mords-la !