Los sabatons de la robòta

Carlòta la robòta qu’a sabatons* magics. N’ac cau pas díser. La nueit, qu’encama* las estelas e sauta a pèjunt dens la Via Leitosa*. Diluns, qu’a visitat la Lua, dimarç lo planeta Març, dimècres Mercuri, dijaus Jupitèr, divès Vènus. Chut! N’ac cau pas díser tanpòc.

Lo maitin, la Carlòta qu’ei totjorn au ras deu lheit tau desvelh de Nina. Mes uei, en tot estruçar* la sua cramba, Nina que preng los sabatons de Carlòta e que’us bota en haut de l’armari. La robòta, la praubina, qu’espia los sabatons dab tristèr. Alavetz, la Nina que gaha los solièrs e’us balha a la sua amiga robòta. Tà la mercejar*, Carlòta que preng la drolleta per la man e que la mia devath lo lheit de l'ocean. Un bèth viatge! Chut! N’ac cau pas díser.

Vocabulari

sabatons: souliers

encama: enjambe

Via Leitosa: Voie Lactée

estruçar: ranger

mercejar: remercier