Los noms de las vilas

A còps, noms de vilas o de vilatges que son amusants. A jo, que m’agrada « Sent Perdon », un vilatjòt de las Lanas, o « Canhòta », totjorn de las Lanas. Que i a tanben « Lo Chapelòt » en Bearn, e mei d’un « Montgalhard » per tota la Gasconha. Mes los que m’estimi mei que son « Escanacraba* » o « Lunats* » en Garona Nauta.

Dens totas las regions de França, que’s pòden amusar. Per exemple en anar a « Angoisse » en Dordonha, a « Bizou » o a « Le Cercueil » en Normandia. « Crotenay » en Borgonha, n’ei pas mau tanpòc. E lo mei amusant, benlèu, qu’ei « Froidcul » quartièr de la comuna de Moyeuvre-Grande en Mosella.

Anem ! Bon tròç d’arríser !

Anna-Pèire Darrées

Vocabulari

Escanacraba : égorge-chèvre

Lunats : Lunatiques