Lo renard au mestièr
(ronda landesa)

Lo renard avó un hilh (bis)
   Lanla delagèr,
Que volèva un mestièr...

Quin mestièr vòs tu renard? (bis)
Lanla delagèr,
Lo mestièr de terassèr.

Li an crompat ua eishada* (bis)
Lanla delagèr,
Non la sap pas menatger*.

Totjorn lo renard cridèva: (bis)
   Lanla delagèr,
Que volèva un mestièr.

Quin mestièr vòs tu renard? (bis)
Lanla delagèr,
Lo mestièr de menusèr.

Li an crompat ua garlòpa* (bis)
Lanla delagèr,
Non la sap pas menatger*.

Totjorn lo renard cridèva: (bis)
   Lanla delagèr,
Que volèva un mestièr.

E que continua dab:
charpentièr -> ua destrau ; cordonièr -> ua alzena ; esclopèr -> ua culhèra ; teishenèr -> ua naveta ; relotgièr -> ua pendula ; sarralhèr -> ua sarralha ; panissèr -> ua pastèra ; poralhèr -> ua polarda.

Lo darrè coplet que cambia:

Li an crompat ua polarda, (bis)
Lanla delagèr,
La sabó bien menatger!

Vocabulari

alzena: alène

eishada: serfouette

destrau: hâche

garlòpa: varlope

menatger o mainatjar: manœuvrer

naveta: navette

pastèra: pétrin

sarralha: serrure