Passacarrèra deu 24 de deceme

Hiu hau ! eras iròlas de Nadau !
[Youpi ! Les châtaignes de Noël !]

Lo 24 de deceme, los mainats que passan dens las carrèras dab pelhas a tot anar.

A hum ! a hum ! a hum !

Dejà per las maisons que s’aubrishen las frinèstas. Sustot ací, pr’amor n’a pas un mes, un mainatge ei vadut ! Los mainats que cantan :

A humilhas ! A humalhas !
Pomas e castanhas !
Boharòc ! còc ! còc !
Pomas e esquilhòts !

Pomas, castanhas e esquilhòts que plaven. E los mainats que’s borrican*. Tots a tèrra. Que han a l’esgarrapeta.* 

Lo matin n’ei ni clar, ni brum ;
Hardit ! au sèr quauquas iròlas
Petaràn hens las casseròlas !
Mainats, anem, cridatz : A hum !...

Mes credatz-me, deishatz de començar batalhas,
Que los grans aus petits dan ajuda, si cau :
Partatjatz-vse de plan los presents de Nadau,
E tornatz-vse’n après tà casa shens baralhas*.

Vocabulari

baralha : dispute

borricà's : se rouler par terre

esgarrateta : gribouillette (jeu qui consiste à attraper un objet jeté au milieu des enfants)