Animau !

Rafèu qu’a sheis ans. Que va a l’escòla primària dempuish ueit jorns. Qu’ei content pr’amor que i a amics e amigas de l’an passat, de la ninoèra*. E, de mei, la regenta que conta hèra de causas*. Quan Rafèu respon a çò que lo demanda, ei segur de son fèit. Uei la leçon que parla de las bèstias.

— Ditz Rafèu, ce questiona la regenta, quin ei l’animau que t’estimas mei*, tu ?

Lo dròlle pensa un moment, espia* los autes, e, tot d’un còp, ce torna :

— Lo papà, ça ditz.

— Mes non ! N’as pas comprés la question, ça ditz la regenta en tot arríser. Lo papà ei un òme, n’ei pas un animau.

Un pauc fachat, Rafèu que respon :

— La mamà l’apèra atau !

V. Lafourcade

Vocabulari

ninoèra : crêche

hèra de causas : plein de choses

t'estimas mei : tu préfères

espia : regarde