Carlòta a la bibliotèca

A Clamenç que l'agrada la bibliotèca. Qu'adòra léger suus coishins de totas las colors, istòrias, bendas dessenhadas o albums. Mes Clamenç qu'a un problèma dab l'ua de las bibliotecàrias.

Carlòta, la robòta, qu'inspècta los libes qui'u se torna.

— As minjat lo ton vrespalh* suu libe? ce demanda dab un espiar* lèd*.

Un aute còp que’u ditz:

— E qu’ei aqueth mastegon*? ua marcapagina?

Qu’a los uelhs pertot! Mes, un còp, la robòta qu’espia per dessús l’espatla d’ua mainada com se volèva comprénguer çò qu’espiava. E Clamenç qu’a ua idèa:

— Carlòta, e vòs léger dab jo?

— Dab plaser, ce respon.

Adara, Clamenç que passa cada dia a la bibliotèca tà ensenhar la lectura a la robòta. Praubòta! Non sabèva pas léger sonque lo còdi barra!

Vocabulari

espiar: regard

espiar lèd: regard méchant

mastegon: chewing-gum

vrespalh: gouter