Los dus escopits

Lo Gave, Gigant deus monts dab la votz cavernosa, qu'èra cranhut de tots per la soa soplessa e la soa rapiditat. Totun, quan voló devarar dens la plana, que's trobè en preséncia d'un Nan dab ua votz greula. Lo Nan qu'èra petit e trapet, mes que'u resistí ua bèra pausa.
Que i avó un combat au pè deu gran Ger qui s'acabè per la victòria deu Gave. Lo Nan, furiós, que se'n tornè mes que voló au mensh mercar lo son mesprètz au Gigant, e qu'escopí dus còps aus sons pès.
Los dus escopits que vengón dus estanhs: lo Jo Gran, e lo Jo Petit qui's pòt véder a la basa medisha deu Pic deu Ger.

En francés, aqueths noms que son: le Grand You, le Petit You et le pic du Jer.

Vocabulari

escopir: cracher

escopit: crachat

gigant: géant

greula: grêle, petite

mesprètz: mépris

nan: nain

trapet: trapu