Escargòlh Hòrt

Au país de la Dent de l'Ors, que viu ua tribú d'escargòlhs que s'apèra Los Escargòlhs. Pendent l'abòr*, la vita que veng complicada. Non pòden pas avançar pr'amor de las huelhas e deus calhaus; que deven bavassejar* tant e mes*... tot aquò que'us alassan*. Un dia, un escargolhet que perpausa de hèr un camin. E tots los escargòlhs valents que s'i hican*. Mès quan veng l'ivèrn, n'an pas construsit sonque un petit camin d'arren. Alavetz, l'escargolhet que va véser Trobatot, lo trobaire genhèc que demòra dens la vath.

©StormySeaSailor

— Qu'enteni lo problèma, ce ditz lo trobaire en tot se gratar lo menton.

Que passa dens lo son talhèr. L'escargolhet qu'ausís bruts: bruts de martèths, bruts de ressèga*, bruts de lima... Puish, deu talhèr, que sòrt un escargòlh robòt gigant. Lo robòt qu'acompanha lo noste amic dinc au son vilatge e que comença a trabalhar. Dus setmanas après, lo camin qu'ei hèit. E los escargòlhs, urós d'aver aquera ajuda que decidissen de l'aperar Escargòlh Hòrt.

Vocabulari

alassar: fatiguer

bavassejar, bavar: baver

ressèga: scie

tant e mes: tant et plus, beaucoup

que s'i hican: ils s'y mettent