Lo paparòc

 

Alícia qu'a cinc ans. Qu'ei sovent vestida d'ua rauba jauna o d'un pantalon blu. Los sons parents que la còhan dab duas peuligas qui dançan lo long de la soa cara.

Qu'a tres grans hrairs : Loís, 11 ans, Artús, 9 ans, e Lèo, 7 ans e miei. Que partatja la cramba d'Alícia.
Dab Lèo, que corren peus camps.

Uei, que tròban dètz flors de las bèras. Mamà que va estar contenta ! Que s'aprèssan deu prumèr paparòc e qu'ensajan de'u cuélher. Mes la planta que resisteish. Rai !

Lèo que va cercar los cisèus. Au moment de la copar, qu'entenen :
- Arrèsta, que'm hès mau.
Suspresa, Alícia que dèisha la cama e que's torna cap tà Lèo.
- E me parlas ?
- Non, ce respon Lèo.
- Arrèsta, ce torna díser la votz.
- Ès tu qui parlas, ce demanda Alícia a la flor.
- Òc.
- Perqué ?
- Devina !
E los mainatges que vesen un drac partir en tot córrer e en tot ríder. La flor que demora aquí tota beròja. Ne parla pas mei.

 

Vocabulari

apressar : approcher

cama : tige d'une plante (est aussi la jambe)

cohar : coiffer

paparòc : coquelicot

peuligas : tresses de cheveux

rai : tant pis

 

Imprimer cet article