L’arbe de Sam lo robòt

Au vilatge de Robotvila, a cada còp qu’arriba un robotòt navèth, que plantan un arbe dens lo son casau. Atau, que ritma la sua vita.

A la primavèra, quan l’arbe huelha, que deu hornir òli dens los sons engranatges. A l’estiu, quan l’arbe florish, que deu anar a la revision. A l’abòr, quan las huelhas començan a càger, que deu tirar las mossas deu son còrs. E l’ivèrn, quan l’arbe ei sense ua huelha que deu béver un antigeu.

Mès uei l’arbe de Sam qu’ei un pauc malaut. Alavetz, Sam que cèrca un mètge d’arbe. Los sons amics que'u responen:

— un mètge de robòt, òc, que'n coneishem, mès un mège d’arbe? Va demandar au guardabòsc.

E Sam que va véser lo guardabòsc. Que baila l’arbe, que’u chebiteja quaucom e que ditz:

— l’arbe qu’ei guarit. Qu’avèva la malautia de la soletat. Se’u parlas cada dia, qu'aurà huelhas e flors de las bèras.

Vocabulari

antigeu: antigel

bailar: caresser

chebitejar: murmurer

engranatge: rouage, engrenage

florir: fleurir

hornir: ajouter

huelhar: faire des feuilles