L'aso deus uelhs tan doç

Aqueste maitin, que soi anat a la hèira deus chivaus tà véner lo men aso deus uelhs tan doç. En arribar, las gents que sorrisen. Un mercadèr* que'm ditz:

— N'ei pas hèra bèth* lo ton aso! N'a pas pro minjat!

— Òc, qu'ei vertat, mès que'm pòrta longtemps sense feblir, ce responi.

E un aute:

— Qu'a granas aurelhas lo ton aso; un vertadèr espantabèstias*, que pòt virar* las graulas* de segur.

— Òc, vertat, qu'a granas aurelhas.

E que'us deishi tots. Que'm torni tà casa dab lo men aso petit, dab granas aurelhas e deus uelhs tan doç.

Anne-Pierre Darrées – inspirat de Mon âne, Aimery de Comminges

Vocabulari

bèth: gros

espantabèstias: épouvantail, chasse-bêtes

graula: corneille

mercadèr: marchand

virar: éloigner, chasser