Leà, Leò e los robòts mainats

 

Un còp èra dus robòts, Leà e Leò, que volèvan aver un mainat, un robòt mainat de segur. Alavetz, que van véser ua inventora hòrt coneguda. Que'us fabrica un robotòt de husta* qu'apèran Pros. 

Malaja, ua broisha en colèra que passava pr'aquí. E que hè un sòrt:

— La neit, que't transformarà en soc*.

La colèra passada, la broisha qu'ei desolada mès non pòt pas cambiar lo sòrt. Tà reparar la sua peguessa, que crea ua frasa magica: « Desvelha't, soquet, desvelha't » e que fabrica ua sòr de husta qu'apèran Prosa.

Cada maitin, Prosa que ditz la frasa tà desvelhar lo son hrair.

Mès un maitin, Prosa que's lhèva tròp viste... e que's desbremba* d'ac hèr. Malaja, un hadet que passava pr'aquí que preng lo soc e que'u bota sus ua pièla de lenha*. La malurosa Prosa que partish a la recèrca deu hrair. Que cor, que cor e que cor. Urosament, que fenish per trobar lo hadet e la pièla de lenha. Mès quau ei lo son hrair? Alavetz, que ditz:

— Desvelha't, soquet, desvelha't.

E Pros que's desvelha. Se podèva, Prosa que'u haré un poton, mès los robòts non saben pas potoar.

 

 

Vocabulari

desbrembar: oublier

husta: bois

lenha: bois de chauffage

soc: buche ; soquet: petite buche

Imprimer cet article