L'escotèr deu Pair Nadau

D'autes còps, entà distribuir los presents la nèit de Nadau, lo Pair Nadau qu'avèva un eslissader tirat per quate rèns. Quan arribava sus Tèrra, lo panissèr, la carnissèra e los autes que'u reconeishèvan.

— Adiu Pair Nadau, ce disèvan.

Adara, lo Pair Nadau qu'a hèra de trabalh pr'amor los mainats e las mainadas que son mes nombrós. Los hadets ne pòden pas mes preparar los joguets, los paquets e los paquetòts. Alavetz, qu'a cambiat. Robòts que preparan tot e los hadets que verifican que tot va plan. 

E lo Pair Nadau qu'a crompat un escotèr de l'espaci. Que va mes viste. E qu'a copat la sua barba blanca tà botar lo son casco navèth. Un casco roi, de segur.

Vocabulari

carnissèra: bouchère

casco: casque 

escotèr: scooter

eslissader: traineau

hadet: lutin

panissèr: boulanger

rèn: renne