Lo frair qui n'a pas nada memòria

— Jo que sabi ua istoèra, ce ditz lo frair.

— Ah! E on l’as trobada? ce demanda lo petit.

— Un mainat que la m'a contada.

— Quin mainat?

— Ne’m brembi pas lo son nom. Un mainat de sèt ans.

— On demòra lo mainat?

— En ua vila dab un nom complicat, ne’u sabi pas díser.

— Quan l’a vist aqueth mainat?

— Un dia, i a bèra pausa. Qu’èi oblidat la data.

— Ne’t cresi pas. Ne coneishes pas l’istoèra.

— Si, qu’ei l’istoèra d’un sarri e d’un esquiròu dens la montanha. L’ivèrn que dromen amassa tà aver caut...

— E alavetz?

— Alavetz ne’m brembi pas la fin de l’istoèra...

Vocabulari

bèra pausa: longtemps

demorar: habiter

esquiròu: écureuil

oblidar: oublier

sarri: isard