Loís qu'a perdut lo Bòt

Loís qu’a cinc ans e qu’ei curiós, hòrt curiós. Aqueste vrèspe, Loís que s’amusa dens la cramba dab Bòt, lo son robòt metallic. Loís que’u ditz quauques mots – a còps mots lèds – e Bòt que canta ua cançon dab los mots. Quina partida d’arríser!

Puish, Loís que va béver un pauc d’aiga a la cosina. Que torna. Òh! Lo Bòt qu’a desapareishut. Loís qu’espia pertot. Nat robòt!

Loís que demanda a Emma, la sor. Hèm! Qu’a vist Tinon, lo gat, passar per la finèstra. Arren mei. Loís que va dehòra, tau casau, tau garatge... Que crida «Tinon, Tinon...». Arren. Triste, que va tornar a casa quan vei lo bruishòc bolegar. Que s’aprèssa. Tinon qu’ei a jogar dab lo robòt. Tranquillòts!

— Qué hètz ací? Ce demanda.

Lo gat e lo robòt que miran Loís en hèr los uelhs grans. Alavetz, Loís ne’us pòt pas pelejar. E tots que tornan a casa.

Vocabulari

apressar: approcher

bolegar: bouger

bruishòc: buisson

hèr los uelhs grans: ouvrir grands les yeux

mirar: regarder avec attention

pelejar: gronder