nher Conilh e nher Tigre

 

Aqueth matin, Sénher Conilh qu'ei a cuélher carròtas entà dinnar. Tot d'un còp, qu'enten ua ruglada qui'u hè páur. Qu'ei Sénher Tigre.

— Ah, Sénher Conilh! ce ditz lo felin. Que soi content de t'encontrar; lèu que seràs un deliciós enterpan.

Ad aqueth moment, Sénher Conilh que remarca bèths calhaus sus la sèrra e que ditz:

— Que soi dilhèu un enterpan deliciós, mes que soi plan magre. Espia au som de la sèrra, que son las mias vacas e que te'n pòdi portar ua. Perqué t'acontentar d'un enterpan petit, quan pòdes har ua hartèra de las bèras?

Com Sénher Tigre ei de cap au só, ne pòt pas véder plan e qu'accepta la proposicion. Sénher Conilh que part en tot córrer dinc au som de la sèrra e Sénher Tigre que l'espèra. Quan arriba a la cima de la sèrra, Sénher Conilh que crida:

— Aubreish plan los braç.

Alavetz, Sénher Conilh que s'aprèssa de la mei grana pèira e que la possa de totas las soas fòrças. La pèira que rotla lèu. Sénher Tigre qu'ei tant excitat que compren sonque au darrèr moment qu'ei ua pèira! Mes qu'a la pata esglachada.

— Ai, ai, ai, ce crida.

 

Vocabulari

conilh: lapin

cuélher: ramasser, cueillir

enterpan: sandwich

esgalachar: écraser

hartèra: festin, gros repas

rugalda: rugissement

Imprimer cet article