La moneda, a qué servís aquò?

La moneda que servís a pagar un ben o un servici. L'accion de crompar que’s ditz la consomacion, e la persona qui crompa lo consomador o la consomadora. Per exemple, que consumim aiga tà béver, electricitat entà jogar aus jòcs videos, vestits entà se vestir, estilos entà escríver...

Que podem emplegar sòus, bilhets, chècs, cartas bancàrias o transferiments, qu’ei totjorn moneda, e, en França, que son totjorn euros. Çaquelà, Euròpa que pensa a crear tanben l’euro numeric. Que poiré estar creat per la banca centrau europèa, a partir de noveme de 2025.

Cadun o cada familha que dispausa de revenguts. Los revenguts que constituissen lo poder de crompa. Aqueste qu'ei limitat cap a çò que volerem consumir. Que cau hèr causidas. Sovent, la publicitat que't balha enveja de crompar quan n’aurés pas besonh lo ben o lo servici perpausat.

Clica ací tà véser quauques exercicis: moneda_consomacion

Vocabulari

Ben: produit materiau, qui podem tocar coma un joguet, un libe, cauçaduras...

Poder de crompa: quantitat de bens e de servicis qui ei possible d'obténguer dab ua certana soma de moneda.

Servici: produit immateriau, qui ne podem pas tocar coma un cors de rugbi, un abonament a Internet...

Revenguts: moneda dont dispausa ua persona o ua familha.

Virament: transferiment d'argent d'un compte bancari a un aute.