A qué serveish ua banca?

Ua banca qu'ei ua enterpresa qui tien a dia los comptes bancaris deus sons clients. La banca qu'aumenta lo montant deu compte cada còp que versam moneda sus aqueste. Au contra, cada còp que hèm ua despensa, lo montant deu compte qu'ei baishat.

La banca que horneish tanben instruments de pagament. Daubuns que son gratuits (quasernet de chècs), autes pagants (carta bancària). Que podem tanben tirar moneda aus distributors automatics, mes solament si n'avem pro suu noste compte.

Daubuas causas que son tròp caras entà crompar-las dab lo noste revienut mesadèr (auto, lotjament, mòbles…). Entà los pagar, que devem sia estauviar, sia emprontar a la banca (préner un crèdit). La soma emprontada que s'apèra un deute. Que'u cau remborsar drin a drin dab en mei ua soma aperada interès. 

La banca que prepausa tanben aus sons clients diferents mejans d'estauviar. Lo mei utilizat qu'ei lo liberet d'estauvi.

Se vòs har exercicis, telecarga lo fichèr exercicis banca.

Vocabulari

deute: dette

emprontar: emprunter

estauviar: épargner

interès: intérêt

liberet: livret

mesadèr: mensuel

tiéner a dia: tenir à jour