Lo consum

Lo consum, qu'ei çò qui utilizam entà contentar los nostes besonhs. Per exemple, que consumim aiga entà béver e lavà's, pelhas entà vestí's, electricitat o gas entà cauhà's, estilos entà escríver... En ua familha, daubuas consomacions que còstan car: l'alimentacion, lo cauhatge de l'ostau, los transpòrts e los servicis com las asseguranças.

Los revienuts de qui dispausam entà consumir que constitueishen lo poder de crompa. Aqueste qu'ei limitat e ne podem pas crompar tot çò qui ns'agrada. Que cau har causidas.

Qu'aperam lo qui crompa lo consumeire, la qui crompa la consumeira. Tà'us incitar a crompar, los publicitaris que preparan messatges, anóncias (aficha, television...): que parlam de campanha publicitària.

Que vivem dens ua societat dens la quau la crompa de bens e servicis e la lor consomacion aucupan ua plaça centrau.

Se vòs har exercicis, telecarga lo fichèr exercicis consum.