Lo noste Enric

Lo noste Enric que vad au castèth de Pau en 1553. Son pair que'u freta los pòts dab alh e qu’u balha ua gotèta de Juranson. Atau, Enric que serà hòrt!

A la mort de la mair, Joana de Labrit, en 1572, Enric qu'ei coronat rei de Navarra. Puish, après las guèrras de religion, qu’ei coronat rei de França dab lo títol de Enric IV rei de França e de Navarra.

Que torna bastir lo país arrueinat per las guèrras. Que volèva que cada paisan avósse ua pora a hèr còser cada dimenge.

Tà restablir la patz en França, que promulga l’Edicte de Nanta en 1598 qui permét a cadun de praticar liurament la sua religion.

Ad aquesta epòca, la tradicion per un navèth rei qu’èra de balhar la suas possessions a la corona de França.

Qu’ei atau que Bearn e Navarra, países independents, estón arretacats au reiaume de França.

Com Enric èra tanben coprince d’Andòrra, los reis de França e de Navarra que son vaduts coprinces d’Andòrra.

Adara, n’avem pas mès reis en França, alavetz lo president de la Republica qu'ei coprince d’Andòrra.

Lo noste Enric que's morí a Paris en 1610, assassinat per Ravaillac.

Vocabulari

pora: garia, poule

vàder, neiher: naitre

promulgar: promulguer, publier officiellemtnent (un édit, un décret, une loi)