Lo Pic de Miedia de Bigòrra
Lo Pic de Mieidia qu'ei ua de las montanhas mes granas deus Pirenèus. Que mesura 2 876 mètres de haut. Despuish lo som, quan n’i a pas nat crum, que podem véder lo Gran Tòs a Biarritz e los monts d’Arièja.
Au som, que i a un observatòri scientific tà observar l'Univèrs (sustot lo sistèma solar), las estelas e l'atmosfèra de la Tèrra. Que i a tanben ua antena de television entà que Gasconha tota e posca arrecéber la ràdio e la television.
Tà arribar au som, que podem prénguer un teleferic qui comença a La Mongia. Lo monde que pòden pujar au som deu Pic de Mieidia entà visitar. Los scientifics que’s serveishen deu teleferic entà pujar materiaus e vitalhas.
Un mite locau que ditz qu'ua sèrp grana garda lo tombèu de Pirèna; lo cap de la sèrp que's tròba a Gavarnia e la soa coda au pic de Mieidia de Bigòrra.
Au delà d'aqueths relates, lo generau de Nansouty que descobrí ua punta de sageta au pòrt de Sencors (2 378 m); que pròva que lo pic de Mieidia de Bigòrra èra dejà frequentat a la preïstòria. Lo generau de Nansouty qu'èra un generau deu sègle XIXau qui, a la retirada, se consacra a la creacion de l'observatòri deu pic deu Mieidia.
Lo Pic de Mieidia dab copòlas d’observacion deu cèu e l’antena de ràdio e de television.
Vocabulari
crum: nuage
sageta: flèche
vitalhas: victuailles