Los mestièrs: especialista de l'energia

Entà víver, las gents qu'an besonh energia per exemple tà aver calor l'ivèrn. Tanben, dab energia, que produsim hred tà conservar los aliments, calor tà cauhar lo repaish, electricitat tà hèr foncionar los motors o las maquinas electricas e numericas, o enqüèra tà alucar las ampolas. De mes, que cau energia tà desplaçar ua pèira, un tren, ua fusada...  

Coma i a hèra de monde sus tèrra, que cau ua quantitat d'energia de las granas. Urosament, que i a mes d'ua hont* d'energia renovelabla coma l'aiga, la marèa*, lo sorelh, lo vent, la calor deu sòu (geotermia), las reaccions quimicas, las matèrias organicas (biomassa). E que i a honts d'energia que ne's pòden pas renovelar coma lo carbon, lo petròli, lo gas naturau o l'urani* (que servís dens las centralas atomicas).

Tà concéber ua estacion, ua usina, tà manténguer e reparar los equipaments, las maquinas, los circuits, los hius electrics... que cau especialistas: tecnicianas, tecnicians, engenhairas, engenhaires.

Vocabulari

hont: source

marèa: marée

urani: uranium ; qu'ei pesuc, blanc d'argent, toxic, metallic e radioactiu de fòrma naturau