Los mestièrs: interprèt imatge

L'interprèta imatge o l'interprèt imatge qu'ei ua persona qui recep imatges, qui interprèta lo contengut e qui detècta las activitats o un objècte precís. Que disen qu'ei un mestièr de rensenhaments. Per exemple que pòt cercar un satellit, un avion, un batèu, o l'estenuda e la direccion d'un huec tà sauvar las gents.

Tà trobar un objècte que deu conéisher l'objècte en detalh. Per exemple, tà reconéisher un  elicoptèr Z-18, que cau saber las caracteristicas de l'objècte e tanben çò qui lo diferéncia deus autes elicoptèrs. Tà hèr ua cartagrafia deu sòu, ne cau pas con·hóner ua cabana e un camion qui son sonque dus rectangles petitòts dens l'imatge satellitari. Alavetz qu'emplegan catalògues.

L'interprèta imatge o l'interprèt imatge qu'emplega logiciaus informatics e que's pòt ajudar d'ua Intelligéncia Artificiau (IA). Uei, un sistèma d'IA qua balha informacions a l'armada coma: lo sosmarin nuclear XX qu'ei sortit deu son pòrt. 

Que redigís tanben rapòrts d'analisis.

Tà hèr aqueste mestièr que cau ua bona capacitat d'observacion, ua capacitat d'analisi e aimar trabalhar amassa, en equipa.