Los mestièrs: pilòt de dròne

Lo pilòt de dròne que telecomanda los desplaçaments d’un dròne segon la mission hidada*.

De segur que dèu conéisher lo pilotatge, assistat o pas per un GPS. E tanben las règlas de seguretat, la comunicacion, la presa de vista (fòtos). Que deu aver un bon sens de l’orientacion, saber reaccionar en cas de chepic suu terren e prénguer iniciativas. Après la mission, que redigeish los rapòrts.

Sovent, los pilòts de dròne que trabalhan dens l’audiovisuau tà hornir las imatges d’un reportatge per exemple. D’autes que trabalhan coma pompièrs, gendarmas, boscassèrs* o enqüèra dens ua enterpresa.

Per exemple, que pòden pilotar un dròne qui pòrta un cable electric o que pagera distàncias per un geomètre o un arquitècte. O enqüèra, que pòden programar drònes qui liuran còlis, e tant d’autas missions.

A l’armada, lo pilòt de dròne militar qu’ei sovent un oficièr. Los drònes que son cargats de la susvelhança, lo rensenhament o lo sostien deu huèc. Lo pilòt que dèu preparar lo dròne, lo telepilotar, lo recrubar e lo segurizar.

drònes militars

Tà vénguer pilòt de dròne, que’t cau seguir ua formacion professionau.

Vocabulari

Boscassèr: garde-forestier
hidar: confier