Barbèr

Un barbèr qu'ei ua persona, dont lo mestièr consisteish a entertiéner lo peu, la barba, la mostacha, las patas* deus òmis. Lo barbèr qu'installa generaument los sons clients sus ua cadièra de barbèr. Lo barbèr que s'aucupa tanben de rasar los òmis qui non pòrtan pas la barba; que neteja las aurelhas, qu'epila las subercilhas* e lo peu deu nas. Qu'emplega un raser (qui èra mecanic, e qu'ei adara electric) e mossa de rasar.

Bèth temps a, qu'existiva lo barbèr-perruquèr qui s'aucupava de las perrucas deus òmis, lo barbèr cirurgian qui èra cargat de la cirurgia petita e que podèva efectuar suenhs com las sagnadas*, pausar ventosas o pensaments.

Adara, portar la barba qu'ei a la mòda. Atau, los barbèrs que son mei anar mei nombrós, quan pensavam que lo mestièr avèva quasi desapareishut. Un fenomèn qui's pòt véder en vila e tanben a la campanha. Daubuns clients que vienen cada setmana har talhar e suenhar la lor barba en çò de professionaus.

 

Quauquas expressions en gascon:

har la barba: gagner quelqu'un au jeu ou dans une compétition

hà se'n ua barba: se barbouiller le museau avec de la confiture ou autre

 

Vocabulari

patas: rouflaquettes, pattes

sagnadas: saignée

subercilha: sourcil

Imprimer cet article