Carcassona
Seria Timbrada – 1
Carcassona qu’ei lo capdulh deu departament de l’Aude.
La legenda que conta com Dauna Carcas a defenut la vila assetjada per las armadas de Carlesmanhe:
Que demorava sonque un porcèth* a minjar dens la vila. Dauna Carcas que l’enviè tà Carlesmanhe dab ua catapulta. Carlesmanhe que’s pensè que los de la vila avèvan de qué minjar, alavetz que se n'anè. Atau Dauna Carcas que sauvè la vila.
Mei tard, en 1209, los crotzats contraus albigès qu'assetjan la vila. Los poblans que son hòrabandits* de la vila e que bastissen ua vila nava au ras de l’arriu de l’Aude. Qu’ei çò qui explica que i a duas vilas a Carcassona.
Au sègle XIXau, la vielha vila e lo castèth que son arrueinats. L’arquitècte Viollet-Le-Duc que restaura la vila e las muralhas . Adara, la vila que sembla com a l’atge mejancèr.
Sèrgi Clò-Versalhes
Vocabulari
hòrabandit : expulsé
porcèth : petit deu pòrc (pourceau)