Seria timbrada: Leon Gambetta

Leon Gambetta qu’ei un òmi politic vadut* a Caors lo 2 d’abriu de 1838.

Lo son pair qu’ei italian e Leon Gambetta que demanda la nacionalitat francesa tà seguir estudis de dret a París tà hèr l’avocat.

Qu’ei elejut deputat de París en 1869. Qu’ei republican.

Après la guèrra contra’us alemans en 1870, l’emperaire Napoleon III qu’ei hèit presoèr. La Republica qu’ei proclamada e Leon Gambetta que vad lo ministre de l’interior.

Mes los alemans assètjan* París. Alavetz, Leon Gambetta que s’escapa en balon tà organizar la resisténcia. Qu’ei obligat de húger a Bordèu. Fin finala, París que’s rend aus alemans.

Leon Gambetta que demora hòrt actiu. Fin finala, en 1881, qu’ei nomat President deu Conselh (lo purmèr ministre de uei). Mes lo son governament qu’ei obligat de deishar la plaça, e Leon Gambetta, malaut, que torna a casa sua e que’s moreish en deceme de 1882. En 1920, lo son còs qu’entra au Panteon.

Sèrgi Clò Versalhes

Vocabulari

vadut, neishut, nescut : né (verbe naitre)

assetjar : assiéger