Timbrada: lo generau Gallieni

Lo generau Gallieni qu’ei vadut en 1849 a Sent Biat en Comenge.

Qu’ei enviat a Senegal on participa a missions d’exploracion. Puish, que vad governador de Madagascar. Aquiu, qu’arrèsta la familha reiau qui resista a la colonizacion per la França, e que basteish rotas, camins de hèr e escòlas.

Pendent la guèrra de 1914, qu’ei governador de París e que requisiciona los taxis de París tà'us enviar portar soldats a la batalha de la Marna. Fin finala, qu’ei nomat ministre de la guèrra en 1915 mes que’s moreish de malaudia un an mei tard.

En 1921, qu’ei hèit marescau de França.

Pendent los sons viatges en Africa, a Tonkin e a Madagascar, qu’a atraçat* pèças arqueologicas qui a balhat au Museum de Tolosa on se pòden véder.

Vocabulari

atraçar: ramasser