Lo pont de Balandras de Caors
Lo pont fortificat de Balandras qu’estó bastit pendent la guèrra contra los Anglés. Que serviva tà passar l’arriu Òlt e entrar dens la vila de Caors.
Suu pont, tres tors dab dentelhs qu’empachavan los enemics de passar. Qu’èra tant hòrt que james arrés ne l’an atacat.
Sus ua tor, que i a un diable escultat. La legenda que ditz que lo pont èra tan long a bastir que lo cap d’òbra demandè au Cohet de l’ajudar. Tau pagament, que’u balharé la sua amna. Lo pont qu’estó acabat peu Diable mes james ne recebó lo pagament. Furiós, lo Diable qu’enviè cada nuèit un diablòt tà des·hèr lo tribalh deu dia deus obrèrs.
Vocabulari
dentelh: créneau
Los noms deu diable: diable, cohet, cornut, demon, hastiau, mauhasedor, horcut