Lo pont deu Gardon

Lo pont deu Gardon qu’ei un arcaduc* roman qui miava l’aiga de la hont d’Eure au ras d’Usès dinc a Nemausus qui ei lo nom roman de la vila de Nimes. L’arcaduc que mesura 52 quilomètres de long.

Lo pont qu’estó bastit tà hèr passar l’aiga per dessús l’arriu deu Gardon. Los romans que'u bastín au sègle purmèr. Qu’a tres solèrs portats per arcaduras*. L’aiga que passa en haut, au darrèr solèr. Que mesura 275 mètres de long e 49 mètres de haut.

A l’atge mejancèr, lo pont que serviva tà hèr passar lo monde de ua arriba a l’auta. Un camin qu’estó bastit en arretalhar los pialèrs*.

Adara, lo siti qu’ei amainatjat* tà recéber de cap a un milion e miei de visitors cada an.

Sèrgi Clò-Versalhes

Vocabulari

amainatjar o adobar: aménager

arcaduc o aquaducte: aqueduc

arcadura: arcature (ensemble d'arcs)

pialèr: pilier