Lo palais deus papas a Avinhon

La residéncia deu papa qu’ei a Roma. Mes a l’Atge mejancèr, de 1305 a 1417, que i avè dus papas, l’un a Roma, l’aute a Avinhon.

L’arquevesque de Bordèu qu’ei elegit papa en 1335 e que prén lo nom de Clamenç V. Ne vòu pas anar a Roma on i a ua guèrra civiu. Que decida de s’installar a Avinhon, a costat deu Comtat Venaissin* qui ei proprietat deus papas.

Qu’ei lo papa Joan XXII qui comença de bastir lo palais a Avinhon. Los papas qui segueishen qu’an agranit e decorat lo palais.

Los reis de França qu’assajan d’annexar Avinhon e lo Comtat Venaissin qui son demorats proprietats deu papa. Loís XIV qu’envia tropas en 1663 e en 1668. Loís XV que n'envia d’autas en 1768 e en 1774.

Lo palais deus papas e lo Comtat Venaissin que son arrestacats a la França en 1791, pendent la Revolucion francèsa. Lo palais que serveish de casèrna taus soldats, puish de preson. La vila d’Avinhon que lo crompa en 1902. E qu’ei obèrt a la visita en 1907.

Lo palais deus papas qu’ei restaurat e qu’arcuelha, despuish 1947, lo hestau de teatre d’Avinhon.

Sèrgi Clò-Versalhes

Vocabulari

Comtat Venaissin: Comtat Venaissin, ancian estat qui perteneishèva au papa, aperat tanben la Comtat.