Lo marescau Foch

Lo marescau* Ferdinand Foch que neish a Tarba en 1851. Lo son pair que hè lo perceptor. Ferdinand que segueish lo son pair e qu'estudia a Tarba e a Monrejau.

Que hè l’escòla Politecnica e qu'entra dens l’artilheria. Qu’ei au regiment d’artilheria de Tarba abans d’èster nomat generau*.

Quan arriba la guèrra de 14, que comanda ua armada a Nancí. Pendent la batalha de Marna, que coordina las armadas francesas, anglesas e bèlgas e qu’ei eth qui arrèsta los alemands.

En 1918, qu’ei nomat cap generau de totas las armadas. Que vad marescau, qu’obliga los alemands a capitular e que signa la patz qui acaba aquesta guèrra.

Los anglés que’u nomentan* marescau d’Anglatèrra, los polonés que'n hèn un marescau de Polonha e los canadians que'n hèn lo coronèu* deu mes famós regiment de la lora armada.

Que's moreish a Paris en 1929. La sua tomba que demora aus Invalides, a costat de tots los marescaus de França.

Sèrgi Clò Versalhes

Vocabulari

coronèu: colonel

generau: général

marescau: maréchal

nomentar: nommer