Lo rugbi

Lo rugbi que's pòt jogar a 7, 13 o 15 jogaires. Que son los Anglés qui an inventat aqueth jòc dens la vila de Rugby.

La veishiga qu’ei ovala. Que la cau miar darrèr las barras de l’auta equipa tà marcar un ensai e ganhar 5 punts. Se l’ensai ei transformat, l’equipa que ganha 2 punts en sus. Que i a ua tòca quan la veishiga sòrt deu terrenh de jòc. Que i a una mesclada quan un jogaire a passat la veishiga en davant. Que i a penalitat quan un jogaire n’arrespècta pas las règlas deu jòc.

Tà tornar lançar lo jòc, lo jogaire que tira un còp de pè. Quan ei hèra haut, que s’apèra "tirar a las palomas".

Cad’an, lo tornei de las 6 nacions que hè encontrar França, Anglatèrra, Irlanda, Italia, Escòcia e Galas.

Que i a tanben los All Blacks de Navèra Zelanda, los Springbox d’Africa deu Sud e los Wallabis d’Australia.

Se lo fotbòl ei mès popular dens lo nòrd de França, lo rugbi que n'ei mès en Occitania e en Gasconha. Que i a hèra de vilatges qui an ua equipa e qu’ei ua grana hèsta quan se jògan partidas los dimenges. La hèsta que’s perseguish après la partida. Que s’apèra jogar la tresau miei temps.

Vocabulari

barras: poteaux du rugby

tornei: tournoi

veishiga: nom popular tà díser lo balon