La balena
Tà començar l’annada, perqué pas descobrir ua "istòria coma atau" d’un contaire anglés deu grans: Rudyard Kipling, neishut a Bombai en Índia. Ací qu’as lo ligam.
Que nos parla de las balenas. Las coneishes? Que son mamifèrs. D’alhors, lo lor ancèstre qu’ei un animau terrèstre dab quate camas e que s’apèra lo pakicetus (n’existís pas mès). L’animau mès pròche qu’ei l’ipopotame. D’alhors, la balena qu’a lèujas e que deu pujar a la susfàcia tad aledar.
crill
De totas las balenas, la mès grana qu’ei la balena blua. Que pòt mesurar un trentenat de mètres e pesar dinc a 150 tonas. Qu’ei l’animau mès gròs qu’a jamès existit sus la planeta Tèrra. D’alhors, lo balenat que creish de 3 a 4 cm per dia, e de 80 kg per dia!
Las balenas que minjan un petit crustacèu dit lo crill, e quauques autes petits animaus: anchòias, sardinas, macarèus, sépias...
Perqué ne minjan pas animaus mès grans? Kipling que respón a la question dens la sua istòria, mes avisa’t, qu’ei sonque ua istòria!
Coma la balena aquerí lo son ganitèth
Vocabulari
aledar: respirer
anchòia: anchois
balenat: baleineau
crill: krill
crustacèu: crustacé
lèuja: poumon
macarèu: maquereau
sépia: seiche