La damisèla
La damisèla qu’a dus parèlhs d’alas, dus uelhs grans e un còs hèra long.
Pendent l’estiu, que viroleja en endrets aigassuts. La damisèla qu’aima l’aiga. Dab un mascle, que s’aparia e que fòrman tots dus un beròi còr.
Après l’apariament, la damisèla que pón uèus qu’estaca a plantas devath l’aiga. Au cap de quauquas setmanas, cada uèu que balha ua cuca qui demora dens l’aiga mei d’un mes. La cuca qu’ei carnassèra. Que minja insèctes, autas cucas e pesquits.
Que muda mantuns còps devath l’aiga. Quan ei prèsta, la cuca que puja sus ua ièrba e que sorteish de l’aiga. Que’s tranfòrma en crisalida de la quau vad ua Damisèla.
Vocabulari
aigassut: mouillé, aqueux
apariar: apparier
crisalida: chrysalide
cuca: larve
damisèla: libellule
parelh: paire