L'ariçon
L'ariçon de castanha
L'ariçon deu casau
Au casau, que trobam ariçons : ariçons de castanhas mes tanben ariçons qui corren. Que son cobèrts de hissons*.
L’ariçon deu casau que drom lo dia e que caça* de nueit : vèrmis*, limacs, escargòlhs. Qu’ei l’amic deu jardinèr.
En cas de dangèr que's hica en pelòta e ne muda pas mes. Qu’ei pr’amor d’aquò que’s hè esglachar* suu camin per las autòs.
L’ivèrn, que s’adrom en un nid de huelhas au hons deu casau. Ne cau pas destorbar* l’ariçon qui drom.
Se védes un ariçon, ne’u cau pas balhar lèit ni pan tanpòc. Que n’averé* mau de vente. Que vau miélher balhà'u aiga e croquetas deu gat o deu can.
Quan quauqu’un ei de mau peu*, que disen qu’ei com un ariçon !
Sèrgi Clò-Versalhes
Vocabulari
hisson : piquant
caça : chasse
vèrmi : ver
esglachar : écraser
destorbar : déranger
Que n’averé : il en aurait
ei de mau peu : il est de mauvais poil