Climatologia: l'eslit
Qu’ei lo pès de la nèu qui provòca l’eslit de nèu, dita tanben la nevèra.
Quan nèva sus ua nèu dura, la nèu fresca que pòt eslissar tota sola. Que pòt tanben partir se ua ròca cad sus la nèu, o se i marcha dessús ua bèstia o un esquiaire.
L’eslit qu’a ua grana fòrça. Que s’empòrta arbes, maisons, camins, pilònes d’electricitat, bèstias e òmis.
Tà protegir los camins e las maisons, que’s basteishen vira-nèus qui semblan a muralhas pausadas sus la montanha.
Los pompièrs qu’emplegan cans masedats tà cercar monde empresoat devath la nèu. Pr’amor que cau hèr viste! Lo monde ne pòt víver devath la nèu sonque un quart d’òra.
Vocabulari
eslit: avalanche
esquiaire: skieur
masedar: dresser
vira-nèu: barrière anti-avalanche
Mès d'un mot que son compausats dab virar e que vòlen díser hèr cambiar de direccion
vira-varat: talus au bord d'un fossé, contrescarpe
vira-hanga: garde-boue
vira-pèth: écorce enlevée d'un arbre