Lo caparroi
Lo monde non m’aiman pas pr’amor que soi un vutre*.
Totun, non pareishi pas aus autes vutres puishqu’èi plumas suu còth. Que n'èi tanben de neras devath lo peruc* qui semblan a ua mostacha. Entà me reconéisher dens lo cèu, que soi un bèth ausèth (envergadura* de 2,70 m o mei), qu'èi la coda com un lausange* e lo devath deu còrs blanc a iranjat. Escota lo men crit.
Que minji los òs e lo medoth* deus òs de las bèstias mortas dens la montanha. Quan un òs ei tròp gròs tà'u poder minjar, que lo préni dens lo men bèc, que gahi la volada lo mes haut que posqui e que lo dèishi càder sus calhaus. Atau, los òs que’s copan e que'us pòdi minjar adaise.
Atau tanben que neteji la montanha e qu’empachi que malaudias ne’s propaguen.
Se vòs, que pòts legir tanben aqueth article de Marius, CE2, sus vutres de Chipre.
Vocabulari
envergadura: distància d'un cap d'ala a l'aute, envergure
lausange: losange
medoth: moëlle
peruc: bèc, bec
vutre: vautour