Lo cocut

Co co, co co, ce hè lo cocut.

Lo cocut qu’ei un ausèth migrator qui minja arrucas. Qu'ei de la talha d'ua tortora (33 cm). Que passa l'ivèrn en Africa e qu’arriba a noste a la fin deu mes de març.

En abriu, lo cocut canta mòrt o viu, ce ditz l'arreproèr.

Au mes de mai, que cèrca un nid tà póner un ueu. Pas lo son nid, mès lo nid d'un aute ausèth.

Dens aqueth nid, l’ueu deu cocut qu’ei lo prumèr a nàisher. Puish, lo petit cocut que bota los autes ueus sus l'esquia e que'us possa en dehòra deu nid tà demorar tot sol. Pr'amor que minja hèra, autant coma tota ua coada.

Atau, que’s hè neurir per la mair adoptiva qui ei sovent mei petita qu'eth. Sus l'imatge lo petit cocut que's hè neurir per ua maria-chorra (10 cm).

En aost, lo cocut que part tad Africa. Coma ne conseish pas la sua mair ni lo son pair, que part tot sol. D'alhors los sons pairs que son dejà partits.

Informacions mes sancèras sus aqueth site en francés.

Vocabulari

arruca: chenille

coada: couvée

maria chorra: troglodyte

 

Imprimer cet article