NATURA

Lo desman

Adiu,

Desman, Marie-Claude Guerineau

E’m reconeishes ?

Que soi de la familha deu bohon.

De vertat, que m’apèri desman. Los Francés que m’apèran tanben arrat-trompeta pr’amor lo men nas que's sembla a ua trompa. N’ei pas entà trompetar, mes entà cercar insèctes e vèrmis* qui viven dens los gravèrs* deus arrius.

Qu’èi las patas palmadas entà nadar. Qu’aimi l’aiga clara shens nada pollucion.

Dab los mens uelhs, ne vedi pas guaire. Que vivi la nueit.

verd : desman deus Pirenèus ; autas : desman cosin (rufulus)

Que vivi sonque dens los Pirenèus, de 50 mètres d’altitud dinc a mei de 2 000 mètres. N’aimi pas lo brut, ni estar destorbat*. Alavetz, que’m cau deishar tranquille.

Sèrgi Clò-Versalhes

Vocabulari

vèrmi : ver

gravèr : gravier

destorbat : dérangé