Lo lengatge de las bèstias
Tots los animaus que comunican, cadun a la sua faiçon: las abelhas en dançar, los ausèths o las balenas en cantar... Que pòden emplegar crits, bronziments, aulors (que son substàncias quimicas qu’aperam feromònas), lutz coma hè la lutz de boèr, senhaus electrics coma hèn daubuns peishs.
Per exemple, la garia qu’a un trentenat de crits diferents, l'un tà aperar ua auta garia, un aute tà dar l'alèrta d'un dangèr coma la preséncia d’ua vop, un aute tà exprimir la sua curiositat o un interès, un aute enqüèra tà avertir que ne va pas plan, o d'autes sonque tà comunicar enter eras.
En Gasonha, qu'avem frasas tà tradusir los cants de las bèstias, mes qu'ei sonque entà ríser:
"Qu’èi hèit quaucom tot blanc, tot rond, tot lis. Sai pas qué pòt èèèster ?" ce ditz la garia qu'a hèit l'ueu.
"Cocut, cocut, se la palanca e’s copa, soi fotut" ce ditz lo cocut.
Vocabulari
bronziment: grondement
feromòna: phéromone (substance chimique qui produit des odeurs)
garia, pora: poule
lutz de boèr: luciole
palanca: passerelle
sai = sabi, je sais