Lo som

marmòta que drom

marmòta que drom

Lo som qu'ei lo moment pendent lo quau dromim. Tots los animaus que deven dromir, los uns mes que los autes, coma lo gat. Daubuns animaus que dromen pendent mes d’ua setmana entà passar l'ivèrn, coma los ors o las marmòtas. Que disem qu'ivèrnan.

Per contra, lo daufin non drom pas jamès completament. Quan ua mieitat deu son cervèth drom, l'auta que demora desvelhada. Com ei un mamifèr marin, que deu pujar au ras de l’aiga entà  respirar. Si s'adromís devath l'aiga, que’s pòt negar.

Un nenet que s'a besonh de quinze oras de som per nueit, un adult ueit oras. Cap a sheis ans, lo mainatge qu'a besonh au mens de dètz a onze oras de som, un vielh haut o baish sheis oras.

Lo cervèth qu'a besonh de repaus entà poder foncionar com cau. Si privas ua persona de som, que pòt tombar malauta.

Entà s'adromir adaise, que vau mes evitar las activitats que nhiscan ua mieja ora abans lo som. Atau, que’t cau guardar de la television, deus jòcs o de l'ordenador. Qu'ei melhor de demorar tranquille dens lo ton lheit. Que pòts legir o escríver, te hèr contar istòrias o discutir.

 

Vocabulari

negar: noyer

nhiscar: exciter

pujar au ras de l'aiga: monter à la surface de l'eau

Imprimer cet article