Lo sarri

Lo sarri que viu en montanha. Qu’aima la prada au dessús de la seuva. L’ivèrn quan nèva, que devara tà trobar un endret on i a mensh de nèu e on i a ièrba.

Lo sarri qu’ei petit. Que mesura 70 centimètres e que pèsa 30 quilòs. Mes que pòt hèr sauts de 4 mètres de haut e de 6 mètres de long. Qu’ei lèste!

Lo mascle que viu solet. Las hémias que viven en grops dab los sarriats.

Que s’a mancat de desaparéisher tant èra caçat. Lo Parc nacionau deus Pirenèus qu'estó creat tà'u sauvar.

L’agla, lo lop e l’ors que caçan lo sarri. A cops, ua raca que tua fòrça sarris. Mes au cap de quauques meses, la raca que s’arrèsta e los sarris que tornan èster numeroses.

Vocabulari

caçar: chasser

prada: prairie

sarriada: troupeau d'isards

sarriat: petit isard

seuva: forêt

raca: maladie infectieuse